#OPEN Komunikatë për shtypin

Ju njoftojmë hapjen e ekspozitës “ONUFRI REMADE”, e cila zhvillohet në kuadër të projekteve artistike të Galerisë Kombëtare të Kosovës. Sipas thirrjes publike, aplikimet për pjesëmarrje u mbyllën në datën 31 Gusht 2019. 18 projekte artistike u përzgjodhen nga kuratorët për t’u shfaqur në këtë ekspozitë, e cila do të mbahet në ambjentet e GKK-së në Prishtinë prej datës 12 deri në datën 25 Shkurt 2020. Ceremonia e hapjes do të bëhet ditën e mërkurë, më 12 Shkurt 2020 në orën 19:00. Konferenca për shtyp me gazetarët do të mbahet ditën e hapjes.


Rreth “ONUFRI REMADE”

Nuk është e lehtë të jesh sot një artist në Shqipëri. Galeritë e pakta të artit, hapësira kulturore që hapen dhe mbyllen njëra pas tjetrës në mungesë të mbështetjes dhe sidomos mungesës së vizionit, klishetë që shoqërojnë botëkuptimin mbi artin bashkëkohor, mungesa e publikimeve dhe revistave të artit, mungesa e programeve, rezidencave dhe në përgjithësi klima e krijuar dhe klientelizmi i përhapur bëjnë që tashmë artistët shqiptarë të komunikojnë me njëri tjetrin dhe botën e artit bashkëkohor vetëm pothuajse nëpërmjet internetit me rrjetet e tyre sociale. Nga ana tjetër, pushteti dhe organet menaxhuese të artit në vend, paraqiten në të njëjtat rrjete sociale vetëm me një makinë të fuqishme propagandistike; një transmetim të vetvetes pothuajse në kohë reale dhe të vazhdueshme duke u distancuar më tej nga artistët dhe duke bjerrur ëndrrën e një grupi të përbashkët, gjë e cila do të sillte lindjen e një ideologjie dhe natyrshëm do të kërkonte më pas të “zaptonte” hapësirat ekspozuese ose alternative dhe të krijonte hapësira paralele. Në këtë klimë vjen edhe mosorganizimi i ekspozitës vjetore “Onufri” me një precedent të mëparshëm, konkursin e fotografisë Marubi, i cili tashmë prej vitesh në të njëjtën mënyrë është i zhdukur nga skena e artit shqiptar, ashtu si edhe “Qendra e Realizimit të Veprave të Artit”, etj. Historia e “Onufri”-t për artet pamore në Shqipëri dhe rëndësia e tij për artistët shqiptarë nuk mund të kalojë me një mospërfillje të thjeshtë, edhe pse, askush përveç artistëve shqiptarë nuk mund të ndihet në një farë mënyre zot i kësaj ekspozite. Pra, qëllimi ynë është të krijojmë premisat për rikthimin e “Onufri”-t në skenën e artit shqiptar duke e dërguar atë nga institucionet që e krijuan në kohë në një konkurs dhe ekspozitë ndërkombëtare, tek vetë artistët, si dhe duke e transformuar në një eveniment, i cili heton gjëndjen e artit bashkëkohor shqiptar dhe dialogun mes artistëve dhe sistemit global të artit.

 


Me temën #OPEN, ekspozita heton me sy kritik dhe nxit një reflektim mbi marrëdhënien dialektike ekzistuese midis artit dhe publikut, ku nyja lidhëse e veprave dhe artistëve të përzgjedhur është marrëdhënia ndërmjet tyre dhe art-establishment-it. Pra, është një aktivizim i artistëve shqiptarë, të veçuar ose në grup, ndërmjet konceptit të “kontestimit dhe vetëdijes” për ngjarje të freskëta shoqërore, politike etj. (të përzgjedhura në liri të plotë nga artisti) e gjithë kjo nëpermjet artit bashkëkohor.


Artistë / Pjesëmarrës: Vladimir Myrtezai (Grosha) – Ergys Krisiko – Sadik Spahija – Eliza Hoxha – Fatos Lubonja – Albes Fusha – Yllka Gjollesha – Eugenio Tibaldi (Kuruar nga Ajola Xoxa) – Harri Aleksi – Olsi Qazimi – Ervin Bërxolli – Penelop’s webs (Beskida Kraja / Clioevi/ Petrova Margarita / Hanioti Dimitra) – Osman Demiri – Ylli Xhaferri – Florian Haxhihyseni – Altin Lika – Rubin Kadija – Elvis Dako – Edmond Gjikopulli – (Safo Marko / Ilia Terpini / Shyqyri Sako – Kuruar nga Genti Gjikola).

 

Kuruar nga: Ardian Isufi / Elton Koritari

 

Qartësisht e inspiruar nga Marcel Duchamp, titulli i kësaj ekspozite kërkon te evokojë një spostim të masës kritike në favor të artistëve, duke i vendosur ata në një pozicion ambivalent: është koha për të dalë nga rreshtat, është koha për të bërë zhurmë, për të bezdisur, për të reflektuar, për të dialoguar, për të krijuar hapësirë, për të zaptuar hapësirën e munguar. Është koha për të tentuar. Onufri e ka këtë mision, e ka patur përherë dhe është koha për ta rikthyer

 

ONUFRIREMADE / Hapësirë Alternative e Artit Bashkëkohor / Një projekt i “Galeria Kombëtare e Kosovës” / EJAlbum / Në bashkëpunim me “Universitetin e Arteve”, Tiranë. Për informacione të mëtejshme, intervista apo për materiale shtesë mund të kontaktoni me zyrën tonë të komunikimit.

Konakte:

Web: www.onufriremade.com
Email: info@onufriremade.com
EJAlbum: info@ejalbum.com
Tel. +355 4 5629632

Kuratoret:
A.Isufi / E.Koritari: +355682076357 / +355696472272

KËTU.

Ju falenderojmë për mbështetjen tuaj mediatike.

Shkarko komunikatën për shtypin


Shiko lajme të tjera

Contacts:

Web: www.onufriremade.com
Email: info@onufriremade.com
EJAlbum: info@ejalbum.com
Tel. +355 4 5629632

Curators:
A.Isufi / E.Koritari: +355682076357 / +355696472272

Këtu.

OSE KËTU.

Ju falenderojmë për mbështetjen tuaj mediatike.